Sagen - Rumänien - Grabatz
Vor mehr wie zwaahunert Jahr, wie unser
Urahne ins Banat kumm sein, far sich a besseres Lewe schaffe,
ham se mit viel Schwierichkeide kämpfe misse.
Nouch alder Sage soll net weit vun unsrem Darf, noch uner
tirkischer Herrschaft, e Pußte gwest sein, wu e serwischi
Familie mitm Noume "Grabetz" gewohnt hat. Wie unser Urahne sich
do ougsiedlt ham, war do noch sumpfichi Gegend. Frisch doher
kumm, war far die Ousiedler nirgends ka Unerkunft, net far die
Leit un net fars Vieeh. So war nix weider iwrich, wie sich a
Unerschlupp, Häiser vun Lohm un Rohr zu baue. Nouchher war die
notwendichscht Arweit, die Abflußgrawe zu grawe, daß es Wasser
ablaaft, un es Feld hat kenne geackert were. So e Grawe is aa an
der Pußte vorbeigang.
In seier Zeit is mol in ouner dunkli, wischt! Nacht a
Rauwerbanda ins Dorf kumm. Sie ham des schlecht! Wedder
ausgnutzt um ham die Leit ihre Kieh fartgetrieb, ohne daß jemand
was bemerkt hat. Awer wie se an den Grawe kumm sein, ham se net
so schnell dedriwert kenne, un weil se die Viecher all! uf e
Haufe getrieb ghat ham un weil's dunkl war sein viel Kieh in den
tiefi Grawe gfall un ham geplärrt un geplärrt. Den Lärm hat aa
seli serwischi Familie ghert, un wie se bemerkt ham, was los is,
ham se die Leit ausm Darf verständicht, die sein die Rauwer
nouch un ham ihre Viech zruckgholt. Aus Dankbarkeit ham se dann
ihre neies Darf "Grabetz" gnennt, zum Oudenke an die Familie un
an sele Grawe. Mit der Zeit hat sich dann der Noume zu "Grabatz"
veränert.
(Erzählt von Veronika Bauer aus Grabatz)
Quelle: Banater Volksgut, Erster Band, Märchen, Sagen und
Schwänke, Herausgegeben von Walther Konschitzky und Hugo Hausl,
Bukarest 1979, Seite 109.
